जागतिक महिला दिनानिमित्त “ती” ची महाआरती

श्री क्षेत्र लेण्याद्रीला “ती” ची महाआरती

बुधवार दि.०८ मार्च २०२३ रोजी जागतिक महिला दिनानिमित्त महिलांच्या हस्ते श्री क्षेत्र लेण्याद्री येथे श्रींची महाआरती करण्यात आली असल्याची माहिती देवस्थानचे अध्यक्ष जितेंद्र बिडवई व सचिव शंकर ताम्हाणे यांनी दिली.
यावेळी पंचायत समितीच्या तालुका आरोग्य अधिकारी डॉ वर्षा गुंजाळ , परिचारिका व आशा सेविका तसेच शिरूर येथील निर्मला केसतोड , रेश्मा गायकवाड व महिला बचत गटाच्या असंख्य महिला मोठ्या संख्येने उपस्थित होत्या.
यावेळी देवस्थानचे अध्यक्ष जितेंद्र बिडवई यांनी जागतिक महिला दिनानिमित्त सर्व महिलांना शुभेच्छा दिल्या. त्यानंतर डॉ वर्षा गुंजाळ व सर्व महिलांच्या शुभहस्ते बाप्पांची आरती करण्यात आली. अशी माहिती देवस्थानचे अध्यक्ष जितेंद्र बिडवई व सचिव शंकर ताम्हाणे यांनी दिली.