मराठी
English
श्री क्षेत्र लेण्याद्रि येथे प्रजासत्ताक दिन साजरा
शुक्रवार दिनांक २६ जानेवारी रोजी श्री क्षेत्र लेण्याद्री येथे ७५ वा प्रजासत्ताक दिन मोठ्या उत्साहाने साजरा करण्यात आला. देवस्थानचे यात्रिनिवास भाग नं. २ येथे ध्वजावंदनाचा कार्यक्रम पार पडला. यानिमित्ताने श्री गिरिजात्मजाच्या मूर्तीस व मंदिरात फुलांची आकर्षक आरस करण्यात आली होती. तसेच विद्युत रोषणाई करण्यात आली होती.
प्रजासत्ताक दिनानिमित्त श्री क्षेत्र लेण्याद्री येथील यात्रिनिवास भाग नं. २ येथे सकाळी ७.३० वाजता माजी सैनिक रामदास नामदेव मेहेर व सुभाष कृष्णाजी बिडवई यांच्या हस्ते राष्ट्रीय ध्वजाचे पूजन करून ध्वजारोहण करण्यात आले. यावेळी देवस्थानचे अध्यक्ष व विश्वस्त मंडळ, देवस्थानचे कर्मचारी, ग्रामस्थ व भाविक मोठ्या संख्येने उपस्थित होते. प्रजासत्ताक दिनानिमित्त श्री गिरीजात्मजाच्या मूर्तीस व मंदिरात तिरंगा रंगाची फुलांची आकर्षक आरस करण्यात आली होती तसेच मंदिर लेण्यांवर व यात्रिनिवास इमारतीवर आकर्षक नयनरम्य अशी तिरंगा रंगाची विद्युत रोषणाई करण्यात आली होती. अशी माहिती देवस्थानचे अध्यक्ष संजय ढेकणे व सचिव शंकर ताम्हाणे यांनी दिली.
