मराठी
English
अष्टविनायकापैकी एक असलेल्या श्री क्षेत्र लेण्याद्री येथे माघी गणेश जयंती उत्सवानिमित्त अखंड हरिनाम सप्ताहाचे आयोजन करण्यात आले असून, आठ दिवस विविध धार्मिक कार्यक्रमाचे आयोजन करण्यात आले आहे. श्री क्षेत्र लेण्याद्री येथे अखंड हरिनाम सप्ताह दिनांक २६ जानेवारी २०२५ रोजी सकाळी ८.०० वाजता विणा पुजनाने प्रारंभ झाला असून पहाटे काकडा, सायंकाळी हरिपाठ, रात्री हरीकिर्तन व नंतर हरिजागर असे विविध धार्मिक कार्यक्रम होणार आहेत. यामध्ये ह.भ.प. केशव महाराज मुळीक, ह.भ.प. गणेश महाराज ओझरकर, ह.भ.प. मच्छिंद्र महाराज आहिरे, ह.भ.प. नागेश्वरीताई झाडे, ह.भ.प. विद्यादेवजी महाराज जाधव, ह.भ.प.डॉ. प्रविण महाराज दुशिंग पाटील, ह.भ.प. नामदेव महाराज वाळके, ह.भ.प. पदमाकर महाराज देशमुख, ह.भ.प. पारस महाराज मुथ्था यांची किर्तन सेवा होणार आहे. शनिवार दिनांक ०१ फेब्रुवारी रोजी ह.भ.प. नामदेव महाराज वाळके यांचे सकाळी दहा वाजता मंदिरात श्री गणेश जन्माचे किर्तन होणार असून रविवार दिनांक ०२ फेब्रुवारी रोजी ह.भ.प. पारस महाराज मुथ्था यांच्या कालाच्या कीर्तनाने अखंड हरिनाम सप्ताहाची सांगता होणार आहे. सप्ताह काळात गोळेगाव, माळवाडी नेतवड, कुमशेत, शिवेचीवाडी, गोद्रे, उदापूर, गणेशवाडी भजनी मंडळे यांचे हरिजागर होणार आहेत. तरी जास्तीत जास्त भाविकांनी ज्ञानामृताचा लाभ घ्यावा, असे आवाहन देवस्थान ट्रस्टच्या वतीने करण्यात आले आहे. अशी माहिती देवस्थानचे अध्यक्ष संजय ढेकणे व सेक्रेटरी शंकर ताम्हाणे यांनी दिलीत.
